2派克雞排

营业中

休息中

☞ 荃灣 2派克雞排 ☜ ———————————————之前喺台灣冇食到，而家香港都有得食啦🙈———————————————◊ 脆皮無骨雞扒 ($40) ◊雞扒外皮好脆但完全唔會界口。雖然睇落去唔算好大塊，但係肉質都厚實同juicy，食落去啖啖肉，再加上唔同調味粉嘅配搭，會食唔停口🤪美味程度: ㊣㊣㊣㊣.5/5◊ 脆皮雞柳條($25) ◊雞柳條味道大概同雞扒差唔多，但係食落就方便好多，同埋份量細啲，好啱口痕嘅時候食🤫美味程度: ㊣㊣㊣㊣.5/5◊ 金菇酥 ($12) ◊金菇串成一大塊，雖然炸過，但係都唔會好乾，容易入口。整體有少少偏油，但都幾特別🤪美味程度: ㊣㊣㊣㊣/5◊ 脆皮百頁豆腐 ($24) ◊百頁豆腐食落去彈牙，亦都有濕潤嘅感覺，而且都冇影響到佢脆口嘅外皮。我地揀咗海苔同梅子味粉，食落唔知點解有陣粟米湯味，但出奇地好食😋美味程度: ㊣㊣㊣㊣.5/5◊ 脆皮花枝丸 ($18) ◊花枝丸重花枝味，仲要明顯咬到花枝粒，唔會食落去剩係得麵粉。炸過之後變得香口，而且唔會有油膩嘅感覺，會再encore😝美味程度: ㊣㊣㊣㊣㊣/5———————————————📍:2派克雞排荃灣富華街9號