莎娃迪卡 (已結業)

自從上年去完泰國，一直都好掛住d泰國菜，無奈香港好食既泰菜冇乜得幾多間，不過既然想食就一於叫老婆上OpenRice搵下，又真係搵到間新開冇耐既莎娃迪卡，就一於book枱試下。習慣性地一去到先留意環境，算幾好，有泰菜館feel，地方算闊落，坐低都舒服。然後又係慣性先叫野飲，睇牌就冇乜野好揀，叫左杯耶汁冰，點知原來問下佢傾多兩句先知係有泰啤既，爽！然後一口氣就點左泰式炒金邊粉、肉碎生菜包、飛天通菜、香芽雞中翼同埋必食既冬陰功湯。首先尼既係肉碎生菜包，肉碎既香料非常足，生菜亦係新鮮菜。再尼係香芽雞中翼同埋泰式炒金邊粉。雞翼炸得均勻，唔會太油。金邊粉有四種調味料揀，有辣有糖有花生，仲有醋，全部都非常特別，好正宗既食法。然後就係冬陰功湯同飛天通菜。冬陰功尼講大大隻蝦，夠辣。香港地算非常足料。至於通菜，其實都係辣，質感有d似腐乳通菜，只係冇左果陣腐乳味。食左咁多野其實已經飽到上心口，我就再食唔落，我老婆就再食多個芒果糯米飯就結束啦。