風月堂 (已結業)

今日又得我自己一個食飯，見到風月堂幾抵就入去食下啦。88蚊加一，有湯同餐包。湯係粟米火腿忌廉湯，都幾多料，有粟米味，唔會好味精，個包係熱上既，鬆軟的黎又幾煙韌，加埋牛油食真係好正。之後食主菜，我就點左燒豬膝肉配香煎三文魚。厚厚既一塊豬扒，竟然一啲都唔老，仲好juicy。三文魚香脆唔鞋口，仲唔會腥。連配菜既薯角都好香脆。食完主菜仲有飲品同甜品，我點既凍檸茶都係正正常常。甜品既雪糕窩夫，有好多唔同味既雪糕比你選擇。我點左豆腐味，唔太甜，幾正。窩夫外面脆口，入面軟熟，藉得推介。