TATA KSR 韓式。燒烤 (已結業)

今日去開長沙灣探老朋友，我突然之間想食韓國菜，於是朋友帶咗我嚟呢間餐廳食飯。雖然餐廳細細，但係都不乏捧場客，我哋都彈嗰陣先有位。我哋兩個人各自點左泡菜炒飯同芝心豬扒飯。泡菜份量多到每食一啖都食到，而且味道唔會太酸,，面頭灑上好多紫菜，炒飯一流。而芝心豬扒飯都唔錯，炸豬扒入邊配上流心芝士，味道好夾，而且飯底配左小小沙律醬，味道無違和感。我地另外試左韓式蛋卷，呢款蛋卷唔係全熟有少少流質嘅質地，好有蛋香味。