稻香 (已結業)

今日唔知點解好想去飲茶，就去左呢度飲啦。未到九點就來到，都唔算太多人。我地叫左XO醬蘿蔔糕、奶皇包、春卷等既野食。呢度最留得住我既係流沙奶皇包。唔知今次得唔得呢？XO醬蘿蔔糕先到，都唔係太熱。又唔算太香脆可口，同我上次食既爭D。不過都算係咁啦，好過旺角雅蘭果間，唔熱之餘又唔脆，勁唔得。春卷都係普普通通，無乜野好講。流沙奶皇包就無咁流沙啦，但香濃既奶皇仍可以把我留住。可能今次既製作過程落少左豬油，令到流沙既效果差了一點。但好耐未食既我都算，收貨啦。整體上都唔錯，但加左幾次價。好彩食物質素都保持到，唔係既一早唔去呢間飲啦。但最令我懷念既係滋味炸春卷，內裡既芝士令我印象難忘。