千賀水產の鮮鍋道場 (已結業)

因為疫情關係好耐冇打邊爐了，於是約埋朋友近近地黎食，佢重有放題添，一次過滿足兩個願望。環境夠寬敞，枱同枱之間都有足夠距離👍🏻叫左胡椒豬肚湯，好香濃又唔膩。刺身每次只限各叫三件，叫左我最愛既三文魚、帶子同甜蝦，厚切新鮮。海鮮拼盤好驚喜，有大大隻鮑魚、蜆、海蝦、花甲等等，鮮甜爽口。肥牛雪花紋靚，脂肪比例肥瘦剛好，落鍋帶點油香頗惹味。其他火鍋配料出面有自助區可以慢慢揀，唔夠喉部分肉類同海鮮重可以追加添。