Bugis@叻沙・海南雞飯

营业中

休息中

好耐無食過新加坡菜，同朋友一齊去荔枝角，諗住行D2市集前食啲嘢醫肚，見到呢間新加坡嘢特別多人排隊，所以決定一試。我地分別叫咗個海南雞飯同海鮮喇沙湯麵，飲品方面就叫咗個珍珠豆漿同羅漢果蜜。個海南雞超級滑同好入味，非常有水準，個油飯都非常出色，好好食，係成個餐嘅精髓，但個湯就比較重味精。至於個海洋喇沙湯麵，個湯底好濃好入味，啲海鮮都好鮮好大隻，蝦仲好彈牙。個油麵同米粉都好夾，又唔會太軟，口感剛剛好。個羅漢果蜜亦無太甜，剛剛好，好滿意嘅一餐。