吉壽日本料理 (已結業)

好耐無食過放題，今日約左朋友過黎旺角食放題，我地揀左去吉壽，諗住非繁忙時間可以二百樓下食到放題。呢間吉壽好大間，好闊落，唔似平時其他放題店勁逼同其他人椅背貼椅背。一入店就見到四大個區域，分別係飲品，甜品，雪糕同沙律冷盤，每樣都有好多選擇，最特別係甜品有豆腐花揀呀！首先要講當然係魚生，全部都好新鮮，特別鐘意北寄貝。非常推介黃金焗帶子，有非常濃既芝士忌廉味，令人忍唔住encore左幾次！另外都非常喜歡蒲燒鰻魚，燒汁好好味，而且非常肥美。仲有燒雞軟骨，燒到好香口又脆！每次放題我都必叫燒菠蘿，新鮮多汁既菠蘿加少少燒烤味，好好味，食多幾舊都唔會有罪惡感！儢是川仲有燒翠玉瓜，都係好多汁好好味。最後當然唔少得天婦羅啦，天婦羅炸蝦爽口又唔多粉。