鮪世市場 (鴻威大廈) (已結業)

特選本鮪三色丼集齊大中拖羅,赤身,吞拿魚蓉及三文魚籽真係超豪華享受.拖羅肉身呈透白既粉紅色,入口油香豐腴香溢,入口無筋.油脂較分明既中拖羅同樣無筋入口充滿彈性,充滿魚油甘香.配搭鮮味突出既赤身,一碗滿足晒對吞拿魚既渴望.火炙左口魚裙邊油香滿滿既炙燒左口魚,經炙燒後帶一陣陣炙燒香,入口即溶.日本帆立貝鮮甜甘香,厚身帆立貝永遠係我必點之一.燒三文魚卷經燒香既三文魚再配上蘊藏濃厚鮮味既三文魚籽一啖食晒帶出一種滿足感.自家燒玉子帶住甜蛋香既玉子,香軟濕潤.