六合小廚 (已結業)

平时食太多西餐、饮太多咖啡，间唔中都想食返d香港地道小炒。最近有朋友大赞呢度的薯仔牛腩粒，咁岩去开尖沙咀做野，决定上黎食个快饭。《川味口水鸡》有辣肉碎、香葱、花生等配料，仲搭左两条菜芯，秘制酱汁辣味十足，平时唔太食得辣既我都忍唔住食多几件。口水鸡皮薄肉多，有鸡胸亦有鸡髀肉，整体嫩滑惹味，如果再大碟d就好喇！《蜜椒薯仔牛腩粒 $108》最近自己都整过，知道一碟有质素的薯仔牛柳粒真系好考功夫。首先卖相无得弹，色泽吸引，薯仔同牛腩粒同样大大件，未食已经闻到黑椒同蜜糖的香气。薯仔炸过，外皮脆口，里面软熟热辣辣，沾满蜜糖好好食！呢度用上牛腩部位，同牛柳相比各有好食之处，牛腩肉味香浓，咬落有质感，口感软腍入味，配搭黑椒更能够带出牛腩的香味。《芙蓉蛋饭 $48》下午茶餐食到午餐份量，仲送一杯餐饮，价钱黎讲几抵食。有火腿、芽菜、香葱等配料，再混合鸡蛋煎制而成，蛋算是煎得香口酥脆，可惜散开左，未能做到一整块上碟，加埋甜豉油，再配白饭都唔错。