好耐冇得去飛，真係好掛住台灣的食物，放工就同友人去左觀塘去搵食🥹🥹
望望menu真係有好多台灣的夜市小食選擇，朋友同我選左一段時間先決定到。
牛三寶麵
食台灣野，當然要試牛肉麵啦，牛三寶入面有牛腱肉、牛腩同牛肋條。未入口已經聞到濃濃的紅燒牛肉湯的香味，牛肉炆得既入味又唔會過老，牛筋仲有兩大條，可以好好補充骨膠原。愛吃牛的真係要一試，份量十足😌😌
起司🧀️雞扒便當
又係充滿驚喜的選擇，雞扒好juicy，肉質嫩滑仲有微微拉絲的芝士，再加上飯面的滷肉，每口飯都有油香味，十分邪惡但滿足感十足。
另外我地叫了兩個小食，分別是炸甜不辣🌶同梅子地瓜條🍟。甜不辣外脆內彈牙，口感十足，配上惹味的醬汁，滿有夜市的味道。
地瓜新鮮炸起，熱辣辣，灑上梅子粉，更加開胃，食唔停口呢🫠
仙草奶茶/鳳梨綠茶
食台灣野就算冒住增肥的危機，都要叫飲品。茶味適中，唔會過甜，正呀。🙂🙂🙂
