墾丁茶房 (已結業)

食完85度C唔夠喉，再去墾丁茶房食tea… 茶餐由＄18至＄30左右。menu 介紹墾丁同墾丁茶房的由來，好欣賞老闆的熱誠。店面裝修唔錯，用鏡、玻璃營做出簡簡單單的感覺。餐廳的左手邊係有獨立的卡座，一個個藍色的sofa，配合墾丁陽光與海灘！如果可以安排到坐卡位，感覺會仲開心d =))首先有半份鳳梨醬厚切西多士配鹽酥雞排加柚子果蜜， 對於食得淡的我來講，雞排咸左小小同太油膩；柚子果蜜比較甜，(其實係店方真材實料，但對我來講沖多一杯都得)而且鳳梨醬同西多士的味道唔係好夾。再來就係蜜糖粒粒花生醬吐司配珍珠奶茶。吐司由兩塊麵包疊起，再塗上粒粒花生醬，食唔出有蜜糖味，麵包可以再烘多一陣，珍珠奶茶本身無落糖，要自己加，可以控制糖的份量。