上海廳1930 (已結業)

心血來潮想食上海野，所以搵埋爸媽去食上海菜。呢間裝潢幾有心思，放左人力車營造懷舊效果。首先嚟個小籠包（$32/4個）- 個皮好薄，咬開多湯汁，肉味濃，唔錯。生煎包（$32/3個）-呢個普通，肉比較細同無咩汁；包底煎得香脆。$32/4個酸辣湯雲吞（$48）- 唔錯，酸辣味平均，唔會話無酸只有辣。材料多，湯中有4大隻雲吞，豆腐絲、雲耳絲、香菇絲。好飽肚下。椒鹽小黃魚 （$72）-一睇就知香口。肉質滑嫩，一夾即散。但略嫌太多生粉/栗粉，令魚皮唔夠脆薄。高力豆沙香蕉（$42/4個）- 甜品時間。雖然經過油炸，但一d都唔油膩。外層係炸過既麵粉，無咩味，但入面有紅豆蓉同香蕉，味道就調和返。