尖沙咀凱悅酒店咖啡廳

好耐都冇食過buffet啦今日一得閒就同屋企人出尖沙咀凱悦食buffet，第一次食呢間，又幾唔錯喎。一黎就緊係拎左個巴馬火腿同蜜瓜先，火腿即切正喎，同蜜瓜又夠甜同火腿好match。然後再係starter區拎埋我同意樣好愛既芝士，雖然芝士款式唔多，但已經有齊大路香港人接受到既口味，都唔錯。然後其他野食都唔錯，只係略嫌刺食唔夠多款式，只係得幾款又冇乜海鮮。不過熟食就好多選擇啦，唔知點解我食親buffet都鍾意叫碗麵食，呢間都唔例外，佢既配料都幾多選擇喎，仲要有好多調味料，加分加分！而甜品就正正常常會係buffet食到果啲啦，冇乜特別驚喜。Lunch buffet 1700蚊4位，為返一人400幾蚊，都唔算平，不過咁既質素係酒店buffet黎講就算係咁既。