大滿喜日本料理 (已結業)

對上個次食放題已經係三年前既事所以一直都好期待食放題食放題最好既就係有好多選擇.個日首先叫咗我最愛既天婦羅天婦羅蝦同埋天婦羅蟹柳呢度既天婦羅好好食食落唔會話只係食到炸粉因為佢用炸粉唔會落得太厚所以整體黎講佢個天婦羅炸得好好結果我都忍唔住叫咗好幾round既天婦羅去食鐘意食天婦羅炸物既一定要叫另外仲叫咗個牛肉壽喜燒因為本身我係一個食肉獸所以就點就一份呢個牛肉壽喜燒好足料牛肉既份量頗多仲有菜粉絲同埋豆腐但如果粉絲可以再多d就更好不過有咁多牛已經好滿足另外仲叫咗d串燒我特別鐘意食佢既沙爹豬肉串燒沙爹味好足所以個豬肉串燒入哂味好好食雞肉串燒都好好食但係相比下我會選擇食沙爹豬肉串燒同天婦羅一樣都叫咗幾round另外都有叫黃金蝦睇上圖就見到除咗黃金蝦之外仲叫咗串燒蝦但係我自己就prefer食黃金蝦多d因為炸得好香牛油味亦都好重好重而我自己本身好鐘意牛油所以相對地我覺得黃金蝦好食d啦至於串燒蝦都好食但係對我黎講就普通咗d另外仲叫咗個人參雞湯湯好好飲好夠濃味飲完又唔會口渴所以唔係味精湯其實我食放題就好唔扺因爲我食得唔多同埋唔太食生冷野但係整體黎講我叫既野食水準都屬中上所以下次再食放題都會食呢一間