影片
更多
2016-09-07
599 浏览
已經好耐無食放題，難得男朋友今日提議，我當然即刻答應啦！朋友之前推介將軍澳呢間新開的餐廳，話用料靚，份量足，於是收工就來試一試(順便過呢頭捉下精靈)，希望可以讓我大飽口福啦！一入去坐低，我覺得環境ok，D檯都大張，唔會有好逼的感覺。侍應的服務態度也很細心，她先會自我介紹，再建議我地先叫刺身落單，因為可以較快出單，食住先，之後再慢慢order其他食物。真係俾到我好窩心既感覺 呀！其實D食物都來得很快，款式很多，每款食物味道都，真係超級滿足。以下推介幾款食物，大家去到一定要試1. 刺身食放題當然少不了，呢度既刺身好新鮮，而且都是厚切，唔會孤寒。牡丹蟹大隻鮮甜，我已經唔記得自己食佐幾多隻了。還有我最愛既赤貝，我梗係要食過夠本啦！鮑魚望落去個樣麻麻，仲以為會唔好食或者好腥，點知完全相反，應該係用佐特製醬汁去製造，所以味道好濃得嚟又唔會無佐鮑魚的鮮味，仲一d都唔腥添。2. 火灸壽司必定要試呀，真係好好味！我都知食放題食太多壽司會好快飽，咁會好蝕，但我都係忍唔住order佐兩次。我唯一唔中意既就是左口魚，可能我唔食得腥，但男朋友就覺得無問題，好好味。3.什錦刺身沙律沙律入面加佐wasabi，加埋沙
1. 刺身
食放題當然少不了，呢度既刺身好新鮮，而且都是厚切，唔會孤寒。牡丹蟹大隻鮮甜，我已經唔記得自己食佐幾多隻了。還有我最愛既赤貝，我梗係要食過夠本啦！
鮑魚望落去個樣麻麻，仲以為會唔好食或者好腥，點知完全相反，應該係用佐特製醬汁去製造，所以味道好濃得嚟又唔會無佐鮑魚的鮮味，仲一d都唔腥添。2. 火灸壽司
必定要試呀，真係好好味！我都知食放題食太多壽司會好快飽，咁會好蝕，但我都係忍唔住order佐兩次。我唯一唔中意既就是左口魚，可能我唔食得腥，但男朋友就覺得無問題，好好味。3.什錦刺身沙律
沙律入面加佐wasabi，加埋沙律醬一齊食，味道一流。可能我中意食wasabi啦，我食到停唔到口，差唔多成份都係我食曬，男朋友只是食了一兩啖佢仲有個水蜜桃什果沙律，我都好想試，但已經太飽啦，所以無叫到。4. 日式餅卷 & 花之戀壽司
見好似幾特別叫佐來試下，味道就一般啦，試下無壞。5. 似水流年
女人食到幾飽都好，仲係會有另一個甜品胃，所以我每款甜品都叫佐來試。最正既係呢款似水流年，糯米糍內全是榴槤，好足料。榴槤既香甜同軟硬適中既糯米糍簡直是絕配，口感一流！必食！整體來說，環境服務味道都唔錯，只係地點在將軍澳有點不便，但若去將軍澳探親朋戚友或住附近既朋友，都推介大家去一試。
张贴
