Amusement Eatery (已結業)

最近疫情開始緩和返，可以多d出去食晚餐了。之前成日係屋企煮，食中餐都食到悶悶地，今晚決定要食下西餐燈光柔和帶點浪漫，走廊好闊落，座位舒適。柚子漬魚生柚子好香甜，魚肉一絲絲，洋蔥紅椒切到一小條，味道夠酸夠辣，非常惹味，如果可以大碟d就好。南美芝士番茄沙律一粒粒好似蛋既東西，實際上係南美芝士粒，咬入口帶暖暖的，好重芝士味，軟淋淋但又唔會太流，味道好特別。日本生蠔當地種類最大隻既本地蠔，質感嫩滑鮮甜，仲好creamy添，真係好內未食過咁高質既生蠔。燒雞即叫即燒，送上黎仲係熱辣辣，燒雞肉質竟然比平時食果d仲要滑，皮香薄脆，真係好有驚喜。墨汁墨魚手工意粉呢個意粉唔係成日都有得食，份量剛剛好，意粉帶小小黏黏，軟硬度適中，墨魚嫩爽，當中仲有小量魚籽，感覺好夾呀，非常滋味。巨型日本雪糕新地雪糕好香奶味，再配少許藍梅醬和脆片，味道好match,2個人都食到好飽，真係大滿足。如果唔想諗，呢個二人餐係真係無得輸，食材高質，價錢合理，好味之餘仲好飽。