一鳴拉麵

营业中

休息中

終於開返晚市！可以同老公撐檯腳食拉麵，上次喺上水食過一鳴嘅芫茜拉麵，今次去大埔分店返尋味MEUN除咗有拉麵，重有玉子燒、串燒小食同SAKE，可以好似居酒屋咁，放工同朋友喺度暢聚一番。拉麵有五款湯底：一鳴（豬骨濃湯）／黑蒜／赤辛／香菜／限定（墨魚汁黑松露豬骨湯），我哋今次揀咗豬骨同香菜湯底。豬骨濃湯拉麵(細麵)豬骨湯底味道濃郁得嚟唔會太鹹，加咗兩隻辣椒嘅唐辛醬，唔會好辣，重會令到個湯底更香更惹味！細麵煮得軟硬適中，「掛湯力」高；配料我哋揀咗豬軟骨，因為上次食過一鳴嘅豬軟骨真係一試難忘，軟腍入味，勁正！香菜豬骨濃湯拉麵(細麵)芫茜味真係冇得輸，次次嚟都必點。我本身對芫茜冇特別嘅喜惡，但呢個湯底真係好有驚喜，清新得嚟唔會有草青味，非常推薦！除咗豬軟骨，我哋重追加咗一份叉燒（+$20），燒過嘅叉燒有少少脆邊，都幾好食。