影片
更多
2019-12-16
77 浏览
近幾年先開始學人食魚(小時候有陰影)，除左泰式明爐魚，我最鐘意就係食酸菜魚，可能因為個人重口味啦，其實係「食味道多過食魚」。大大話話半年冇食過，間唔中都會掛住呢陣味終於最近喺香港食左一次酸菜魚，整體味道都可以，雖然價錢高一啲，但正宗、好食嘅口味唔多，所以「癮」起，都可以試下。廚十三有幾間分店，到訪尖沙咀店，之前喺呢棟大廈食西餐已經留意過。餐廳面積唔算好大，但景觀開揚，位處18樓，視覺上都幾闊落。唔知道廚十三同其他品牌嘅關係，但餐牌設計、標語、成個氣氛都確實令我諗起國內酸菜魚名店，尤其是呢個電飯煲位。餐牌主打老壇酸菜魚，午市價格較相宜，雙人份酸菜魚跟飯或米線及汽水定價$168。晚市一律散叫，酸菜魚分三種份量：小份/大份/土豪份，定價$338/478/598，貴過喺國內食就梗架啦，最緊要「安全」，人均消費約二百零蚊起。酸菜魚鍋跟白飯，配料按喜好添加，以蔬菜類為主，例如金菇、豆腐、木耳等，呢啲都好索湯、入味。另有涼菜、小食、紅糖冰粉呢啲都有齊。酸菜魚 $338/小一上枱見到咁熟悉嘅模樣，口水已經開始分泌，湯頭有花椒、乾辣椒、菊花，相信味道都對辦，一試之下，果然唔錯。酸菜魚份量足夠二人分享，魚
廚十三有幾間分店，到訪尖沙咀店，之前喺呢棟大廈食西餐已經留意過。餐廳面積唔算好大，但景觀開揚，位處18樓，視覺上都幾闊落。
唔知道廚十三同其他品牌嘅關係，但餐牌設計、標語、成個氣氛都確實令我諗起國內酸菜魚名店，尤其是呢個電飯煲位。
餐牌主打老壇酸菜魚，午市價格較相宜，雙人份酸菜魚跟飯或米線及汽水定價$168。晚市一律散叫，酸菜魚分三種份量：小份/大份/土豪份，定價$338/478/598，貴過喺國內食就梗架啦，最緊要「安全」，人均消費約二百零蚊起。
酸菜魚鍋跟白飯，配料按喜好添加，以蔬菜類為主，例如金菇、豆腐、木耳等，呢啲都好索湯、入味。另有涼菜、小食、紅糖冰粉呢啲都有齊。
酸菜魚 $338/小
一上枱見到咁熟悉嘅模樣，口水已經開始分泌，湯頭有花椒、乾辣椒、菊花，相信味道都對辦，一試之下，果然唔錯。
酸菜魚份量足夠二人分享，魚片片得厚薄適中，so far冇食到魚骨，魚肉尚有魚鮮味湯頭酸味突出，辣度符合香港人口味，一般人都應該食得到，唔會太麻。可能我鐘意用湯撈飯啦，會覺得湯頭略油。
豆腐 $28腐竹 $28
揀左兩款配料添加，豆腐嫩滑、腐竹軟腍入味。
正經的雞被撕 $108
點左一客手撕雞，份量唔多，雞肉麻辣度比酸菜魚高，好惹味加埋芫茜，我地食到舔舔脷，不過老實講，價錢真係有點貴。
清炒萵筍絲 $78
萵筍絲非常幼身，唔會太油淋。
點酸菜魚配上兩碗白飯，食啲酸辣野點少得白飯中和，加少少湯汁撈飯，特別滋味。
张贴
