影片
更多
2018-04-09
3464 浏览
已經好一段時間無食afternoon tea set啦！早兩日同好姊妹心血來潮想食下，於是book咗君悅酒店Tiffin嘅afternoon tea。Tiffin早幾年食過，當時就已經好鐘意好鐘意，咁多年無食都真係好掛住嗰個tea set呀！早排餐廳裝修，今次去返，餐廳依然好大好靚！我哋亦安排到窗邊位置！有落地大玻璃，當日天氣好好，陽光灑入嚟暖暖的，然後望住外邊環境，嘆下茶，食下嘢，好寫意！😊😊我哋叫咗兩人afternoon tea set，仲包括飲品同自助雪糕甜品bar. Tea set未到之前，可以先揀飲品。我同好友都想飲茶，然後待應就準備咗一樽樽茶葉俾我哋聞完先揀！我覺得呢樣真係做得好貼心呀！可惜我忘記為茶葉影張相！結果我揀咗呢個叫pear original！呢款茶好香好香，係綠茶呢㗎！茶色淡淡，配上咁優雅嘅茶具，見到都開心！飲到咁上下，待應仲貼心咁為我換茶！😊😊Tea set未到，我哋食住自助雪糕甜品bar先！啲甜品係即叫即整㗎！呢個係蘋果榛子櫻花餅，外型係櫻花樣，入面餡料輕甜，蘋果味唔酸仲好出，榛子味唔係太食到，但熱烘烘新鮮整起，好味好多！😄仲有crepe，有其他調味可選擇，
Tiffin早幾年食過，當時就已經好鐘意好鐘意，咁多年無食都真係好掛住嗰個tea set呀！
早排餐廳裝修，今次去返，餐廳依然好大好靚！我哋亦安排到窗邊位置！有落地大玻璃，當日天氣好好，陽光灑入嚟暖暖的，然後望住外邊環境，嘆下茶，食下嘢，好寫意！😊😊
我哋叫咗兩人afternoon tea set，仲包括飲品同自助雪糕甜品bar.
Tea set未到之前，可以先揀飲品。我同好友都想飲茶，然後待應就準備咗一樽樽茶葉俾我哋聞完先揀！我覺得呢樣真係做得好貼心呀！可惜我忘記為茶葉影張相！
結果我揀咗呢個叫pear original！呢款茶好香好香，係綠茶呢㗎！茶色淡淡，配上咁優雅嘅茶具，見到都開心！飲到咁上下，待應仲貼心咁為我換茶！😊😊
Tea set未到，我哋食住自助雪糕甜品bar先！啲甜品係即叫即整㗎！呢個係蘋果榛子櫻花餅，外型係櫻花樣，入面餡料輕甜，蘋果味唔酸仲好出，榛子味唔係太食到，但熱烘烘新鮮整起，好味好多！😄
仲有crepe，有其他調味可選擇，我哋就選擇直接擺雪糕食！😄😄
Crepe都係即叫即製，但我覺得櫻花餅好味啲！😋
雪糕bar真係不得了！全部都係自家製雪糕，有十幾種味，我呢個係開心果味，雪糕除咗食到開心果味外，裡面仲有開心果同其他nuts增加口感，好味呀！感受到餐廳的用心！
然後期待已久嘅主角出場了！同我幾年前食的擺位有所不同！底層係咸點，看似平凡嘅兩款三文治，但係我最鐘意嘅咸點，一款係碎蛋沙律三文治，一款係呑拿魚三文治。麵包軟軟，入面餡料好足！👍🏻👍🏻
有一款係肉醬批，味濃，我好友略嫌少少咸！
而甜點方面，我最鐘意就係最上層的士多啤梨綠茶mousse. 綠茶微甜，加上士多啤梨少少酸，啱啱balance返！😊
食完個tea set其實都好飽了！但我哋依然拎咗啲macaroons. 啲macaroons 唔會太甜，而且唔黏牙，少少脆咁，我覺得很讚呀！
最後仲有雪到好凍嘅水果片，我揀了西柚，食完消滯之餘仲refresh.
好開心可以悠閒咁嘆咗一個下午，食下嘢傾下計，而且餐廳環境好好，食物亦好有質素！我覺得呢個tea真係好抵喔！🤗
张贴
