影片
更多
2008-12-09
8 浏览
今晚同家人去鑽石山商場食飯，原本家人提議去樓上「新天地」食蘇杭菜，不過我實在覺得又油膩又難食，於是即刻拒絕喇。見到水牌上寫住「夏麵館」，即刻會心微笑，無諗到呢三個字出現響鑽石山呢！過往去過九龍站圓方既夏麵館兩次，今次光顧自然會有比較。首先，餐牌上既選擇少左，獅子頭加左蟹粉「扮上菜」，價錢調高到 $68。本來想點「百葉結」，不過賣晒，真可惜。另外，傍晚六時後入席每位收茶錢三蚊，不過茶味好香，茶色好清，都算值得。我們一家人點左三款麵，最後都無叫小食或者小炒，亦都無叫豆漿，因為十蚊一杯，唔抵。1. 麻醬撈麵特登請侍應俾特多麻醬，好香，雖然加左麻醬之後，睇落好似好黏，不過食落口，仍然每條麵都好韌淨。隨麵附送一小碗清湯，食完之後清清口腔。2. 黃魚煨麵無花無價既招牌菜，上次去九龍站食個陣都無今次咁好味，黃魚唔腥，份量多，夠滑，湯好濃。3. 老上海炒麵雖然落左好多油去炒，但係麵身依然好韌淨，所以入口個陣唔會覺得一 PAT 野咁，呢樣野正正係「新天地」做唔到既。不過依然係湯麵同煨麵好 D。同樣附送一小碗清湯。三款麵全部食到一條不剩，全家都讚好。真係三次幫襯裡面最好既一次。至於服務，女侍應好識做，經常
原本家人提議去樓上「新天地」食蘇杭菜，
不過我實在覺得又油膩又難食，於是即刻拒絕喇。
見到水牌上寫住「夏麵館」，
即刻會心微笑，無諗到呢三個字出現響鑽石山呢！
過往去過九龍站圓方既夏麵館兩次，
今次光顧自然會有比較。
首先，餐牌上既選擇少左，
獅子頭加左蟹粉「扮上菜」，價錢調高到 $68。
本來想點「百葉結」，不過賣晒，真可惜。
另外，傍晚六時後入席每位收茶錢三蚊，
不過茶味好香，茶色好清，都算值得。
我們一家人點左三款麵，最後都無叫小食或者小炒，
亦都無叫豆漿，因為十蚊一杯，唔抵。
1. 麻醬撈麵
特登請侍應俾特多麻醬，好香，
雖然加左麻醬之後，睇落好似好黏，
不過食落口，仍然每條麵都好韌淨。
隨麵附送一小碗清湯，食完之後清清口腔。
2. 黃魚煨麵
無花無價既招牌菜，
上次去九龍站食個陣都無今次咁好味，
黃魚唔腥，份量多，夠滑，湯好濃。
3. 老上海炒麵
雖然落左好多油去炒，但係麵身依然好韌淨，
所以入口個陣唔會覺得一 PAT 野咁，
呢樣野正正係「新天地」做唔到既。
不過依然係湯麵同煨麵好 D。
同樣附送一小碗清湯。
三款麵全部食到一條不剩，全家都讚好。
真係三次幫襯裡面最好既一次。
至於服務，女侍應好識做，
經常添水，亦都知我想埋單，快手快腳。
其中一個男侍應好似未訓醒咁，有少少扣分。
整體黎講算係中上。
講到店舖既環境，門外拉左玻璃門之後，
門口好似好狹小，不過入到去都幾舒服。
我地入到最篤篤既內廳，我覺得呢個位置係最舒服既。
最後，關於其他菜式，
以前去九龍站既時候食過兩味蟹黃既菜式同麵食，
不過入面加左太多魚露，搞到好難食，
所以凡親有魚露我都唔揀。
而夏麵館始終都係湯麵同煨麵好食 D，尤其是個湯好好味，
炒麵同撈麵就少左個靚湯，無咁討我歡心。
以後又多個好地方去開飯喇！
不過，食到一條麵都無剩個陣，
先至發現無影到相，唯有下次再影過。
今晚三個麵，連茶錢及加一，一共 $140，平均每人 $47。
张贴