影片
更多
2012-04-02
19 浏览
我老公不嬲都好有糖水甜心癮，我就冇乜既~~正確d講我係唔鐘意食d一味死甜爛既野。早幾日發現有幾間出名甜品舖加價加到離譜，所以係時候搵間新野試啦!昨晚同老公帶埋兩隻狗落大圍食晚飯，一食完老公就話要食糖水~~大圍既傅師父食到有d厭，五代同糖越黎越難食更加咪攪我!咪再行多陣睇下有冇其他舖~~行多幾步就發現有間甜品舖成間舖都係粉紅色Tone~鬼咁吸引就坐低左。一睇個menu其實總類唔係好多，傳統，奶特飲，奶凍，果凍，同一d特別既西式甜品。一見到有紅酒~香檳果凍就想試下...不過賣晒咁，食奶凍啦.....都冇晒(有冇咁好賣ar!!)係我諗黎諗去既時候，我老公已經點左個凍既椰皇燉蛋白....重要係全舖最後一個。個椰皇，真係好細個....其實有d唔抵，但係一食就停唔到!清爽椰香，唔甜，有奶香，夠滑......一d都冇臭青味同倒汗水味(以前我食過間出名又多分店舖頭既椰皇燉蛋白難食之餘就有臭青味同倒汗水味！！)見個椰皇咁有驚喜，我就點左個一食就知間舖得唔得既楊枝金露!唔同舖頭做既楊枝金露都有出入，但係都離唔開芒果、西米同柚子絲(粒)，不過要講得話好食既真係唔多地方有.....一係水流流，芒果水+西米+柚
早幾日發現有幾間出名甜品舖加價加到離譜，所以係時候搵間新野試啦!
昨晚同老公帶埋兩隻狗落大圍食晚飯，一食完老公就話要食糖水~~大圍既傅師父食到有d厭，五代同糖越黎越難食更加咪攪我!咪再行多陣睇下有冇其他舖~~行多幾步就發現有間甜品舖成間舖都係粉紅色Tone~鬼咁吸引就坐低左。
一睇個menu其實總類唔係好多，傳統，奶特飲，奶凍，果凍，同一d特別既西式甜品。
一見到有紅酒~香檳果凍就想試下...不過賣晒
咁，食奶凍啦.....都冇晒(有冇咁好賣ar!!)
係我諗黎諗去既時候，我老公已經點左個凍既椰皇燉蛋白....重要係全舖最後一個。
個椰皇，真係好細個....其實有d唔抵，但係一食就停唔到!
清爽椰香，唔甜，有奶香，夠滑......一d都冇臭青味同倒汗水味(以前我食過間出名又多分店舖頭既椰皇燉蛋白難食之餘就有臭青味同倒汗水味！！)
見個椰皇咁有驚喜，我就點左個一食就知間舖得唔得既楊枝金露!
唔同舖頭做既楊枝金露都有出入，但係都離唔開芒果、西米同柚子絲(粒)，不過要講得話好食既真係唔多地方有.....一係水流流，芒果水+西米+柚子+糖水....一係就無啦啦打舊芒果冰...一係就落左勁多椰汁搶左味!
里度既楊枝金露絕對合晒要求!
#~香甜既芒果汁，質感厚實如糊，少少奶令汁底更香濃滑口
#~西米大少適中，而且放入楊枝金露既時候隔水隔得好(好多時出面楊枝金露味道怪怪水流流既原因，就係"畢"西米既時候"畢"埋太多西米水入去，攪到水流流)
#~柚子撕得細細，應該係用左兩種柚子，一種較甜一種較酸
#~清甜帶酸味重一點的芒果，切成幼條狀，一匙一口!
以上幾種材料混合之後，配搭非常好，真正既金露
P.S.老板同店員都好nice，又細心。好少遇到架啦!
题外话/补充资料：
松記，滿記，五代同糖，糖百府，金滿堂，皇室，石磨坊.....等等等等既甜品舖真係越黎越唔好食，又貴!大家都係努力發掘下d小店啦!
(以上食记乃用户个人意见 , 并不代表OpenRice之观点。)
张贴