元朗合隆潮州粉麵 (德仁街)

营业中

休息中

之前夜晚行過好想試，今日終於 的起心肝約埋鐵脚同事一齊去食晏。食晏時間好多人，但好快已經有台。我叫咗豬粉腸，魚皮餃，鮮牛脷豬油撈飯，仲有脆門鱔魚皮同金銀花茶。同事叫黑豚肉餃，鮮牛柏葉銀針粉同醉雞翼。 我些牙咗d餸。鮮牛柏葉係黑色個隻，爽口！黑豚肉餃係堅有豚肉味醉雞翼夠味，但好實，筷子好難篤入。豬油撈飯夠晒豬油香，可惜d飯有點硬，不過因為餸係連湯上，可以撈d湯食豬粉腸，好怕出面個d細鋪駛唔干爭，但佢真係洗得好干爭，爽口彈牙鮮牛脷，夠膽寫明新鮮牛脷，當然要試，果然夠新鮮，同個d急凍真係兩種食法。魚皮餃係堅魚皮餃，唔似其他粉麵鋪個d層皮得個煙靭感冇魚味。附帶一提係佢地自家製辣菜餔，唔食得辣既要三思。