醉瓊樓飯店 (西貢街)

营业中

休息中

媽媽假傳M先生口喻，話呢間客家菜好味。不過我都想去，一試無妨。4人餐其實平啲，但我想飲魚蛋湯，所以散叫。要咗4樣餸。鹽焗雞好有肉又唔肥，少少鹹味，要點沙薑粉。梅菜扣肉軟腍入味，一啲都唔膩。客家雜錦煲有鯇魚丸、牛丸、豬肉腐卷、豬肚、豬肉、魷魚、豆腐、白菜，非常豐富，全部都好味，湯底有胡椒夠香。蝦醬炒魷魚通菜，惹味鹹香。姐姐招呼幾好，等我影埋相先湯比我哋。啲普洱茶好滑唔澀，$5一位茶錢好抵。不過坐响出菜位張枱，有啲迫又多人行嚟行去，原本訂位留咗樓上卡位好啲，但媽媽唔想行樓梯冇辦法。