翠華餐廳 (已結業)

日日食個飽就一餐，今早想食返一個豐富些的早餐，經過翠華門口（其實過門而不入好耐了），看見人很多，好滿下，唔知有冇位攝來坐。即管走入去試下啦，好彩揾到半邊卡位坐下來！成枱都係不同的食物餐牌，都要花時間睇下！哈哈，最後都係叫返最傳統港式早餐：沙嗲牛肉即食麵配嫩滑炒蛋，牛油豬仔配熱奶茶囉！牛油豬係翠華嘅招牌食品，都脆又香，呢個炒蛋炒得很滑好味，不過好似打風咁放在碟度另外沙嗲牛肉麵嘅沙嗲都好香都係我like果款，公仔麵應該都係即整，啱啱好！奶茶很濃很厚很滑，飲完唔知會肥幾多，哈哈！其實都唔難明白成$37的早餐都有咁多人。