越味皇 (已結業)

人人都話呢間係星級質素，街坊價錢嘅越南菜小館，攪到我好期待添。今日咁啱去荃灣拎野俾家姐順道經過，所以就諗住食個快餐先走，但今日我有啲滯，所以不敢大魚大肉，炒蝦拆蟹，只輕輕點了兩道一試便知龍與鳳生牛肉河粉同牛油蒜容雞翼。生牛肉河個湯濃郁鮮味但有少少油，牛肉灼至僅熟好嫩滑，不過河粉份量都幾多，因為已經點左份雞翼，驚太飽所以我冇食哂碗粉。到四大隻雞翼上枱，落重牛油同蒜蓉，炸到層皮好香脆，雖然超級熱氣超級肥，但係都超級好味, 令我諗起以前銅鑼灣景隆街嗰間越南菜！食完飽飽好滿足😀。最後來杯地道嘅越南滴漏咖啡 ☕咖啡夠濃，加少少煉奶，甜但唔會搶左咖啡味，堅好飲👍。