韓牛牧場 (已結業)

真真真係好耐冇出街吃食韓式燒烤放題了，今次趁暑假，同仔仔一齊去咗食呢間韓牛牧場120分鐘放題。餐廳位於銅鑼灣，位置都算十分方便。入到餐廳內，立即發現設有兩個自助吧，多款前菜及沙律菜，除了韓式常見的泡菜及醃製配菜之外，更有凍蝦，可供客人無限添食。另外，亦有飲品櫃，非酒精飲品亦是自助任飲。放題除了不同肉頗選擇之外，更有多款魚生刺身。我們點了幾款魚生刺生，三文魚腩十分肥美鮮甜，仲有甜蝦、北寄貝及帶子，都同樣不錯。此外，還有壽司可供點選。然後有海鮮拼盤（燒烤用），有蝦、扇貝，及多款貝殼類。限量加送的，當然唔少得有韓牛一份，包括有四款不同部位的牛肉。另外每人仲有一件羊扒。至於其他任叫肉類真係好多，有魚、豬、雞、牛、蔬菜及串燒。老實說，未食曬全部已經十分飽飽了。整體來說食物選擇多元化，而且品質亦都不錯，尤其魚生刺生十分鮮甜。而且價錢亦相當合理，餐廳使用韓式的光波爐燒烤，食完沒有一身油煙的味道。