魚珈旨 (已搬遷) 新店位置

已不是第一次幫襯魚珈旨，主力喜歡這裡的壽司，因為佢地一星期都會番幾次貨，所以食材好新鮮，知道佢地係中環再譽歸來，第一時間book定坐sushi bar靚位, 因為鍾意那種由壽司師傅直接將壽司放在面前小盤子的感覺!我們跟師傅溝通後放心地由他們發板,( 因為唔係第一次, 知道係ok的!),佢地會給你當時得令的食物，上每度菜前都可以期待一番，都幾得意。當晚最吸引有﹕螢光魷魚—雖然係細細隻，不過好勁魷魚味、超鮮。池魚壽司兩款— 超新鮮&配一丁點梅子更帶出池魚鮮味。lama toro 刺身(唔知係咪咁寫) —即指未經急凍的吞拿魚，我地食o既近魚較位的toro, 比o toro更肥美，如果係怕一口油o既朋友就會唔鍾意! 不過佢o既味道比o toro更香、更濃，好難忘!油甘魚刺身— 一字記之曰新鮮也! "魚立"魚天婦羅—肉質好滑、鮮甜，估唔到佢地炸天婦羅o既技術也不賴!蝦壽司—唔記得係用乜野蝦整，不過味道比牡丹蝦更佳。其他食品﹕大粒蠶豆—春天的食材、枝豆以外的選擇。煮蜆湯—味道ok, 只係有少少over cook, 肉質有丁點"un"。醬油吞拿魚壽司— 不過不失，因為本人歡喜食比較肥o既toro。