江浙滬 (京華大樓)

营业中

休息中

隔咗一段時間無出街食飯，一於出遠少少嚟CWB食飯餐好㗎啦！行過見到一籠籠嘅小籠包真係睇見都流晒口水，同男朋友諗都無諗就決定食啦！#鮮肉小籠包 $46首推一定係小籠包！一打開啲蒸氣湧出嚟，皮嘅厚薄啱啱好，容易一夾就起，咬落肉汁流出嚟，絕對係享受！#花雕醉雞 $72陣陣酒香撲鼻，花雕味濃！雞肉又嫩又滑，做飯前小菜Fit晒！#上海燻魚 $68第一次食上海燻魚，味道好特別！係炸咗嘅魚塊浸入滷汁入味，魚肉一絲絲好有咬口。#蔥油拌麵 $42嗌咗幾款小菜，梗係要有埋主食！油香味十足嘅蔥油拌麵就係我哋嘅選擇！#檸檬薏米水 $18清清哋再嗌咗杯檸檬薏米水，唔甜啱啱好，飲落仲可以食到粒粒薏米！