居食屋「和民」 (已結業)

前日六點左右，念唔到有咩好食，但又想食日本野，於是就去左銅鑼灣恒隆中心既和民。唔知點解，我好鍾意食冷既野，例如沙律，所以係食壽司之前，我例牌叫一個沙律。之後叫左半份和民沙律，第一眼覺得有點平凡、份量有點少，但食過之後又覺得味道唔錯。啲蔬菜好新鮮，撈埋啲吞拿魚同粟米，再加埋和式既芝麻沙律醋，感覺好豐富及開胃。仲有叫左個星鰻魚壽司，壽司賣相精美，單看已經流曬口水。食落去肉質都非常肥美，脂肪豐富，鮮味可嘗，不過塊星鰻有點兒過細。