為食龍 (已結業)

之前一路都想去銅鑼灣間為食龍試下，點知想到佢地冇做都未去到。到佢地中環開返之後，終於同友人Book位去食一次Lunch。- 腐皮壽司配三文魚刺身黎到為食龍梗係要試佢地最出名嘅腐皮壽司，果然冇令我地失望，件件都好有特色，雖然得5件，但件件都好足料，男士食完都一定夠飽。而2碟前菜亦都十分出色，絕對唔求其。- 忽然富貴海鮮丼友人突然真係富貴咁嗌左呢個海鮮丼，用料新鮮，侍應亦都好有禮貌咁提醒我地本身呢個海鮮丼有海膽，但咁啱暫無供應，所以換左做左口魚同三文魚籽。咁就啱晒，因為友人本身都唔食海膽。- 楓糖培茶Latte野飲反而有啲失色，呢杯楓糖培茶Latte比較淡味，淨係飲到茶同鮮奶嘅味道。整體黎講 為食龍嘅腐皮壽司係真係值得Book位黎食，但今次可能因為Lunch Time嘅關係，人比較多，座位亦比較窄，食野嘅時候感覺比較擠迫。 但之後絕對可以黎Encore