Be Leaf (已結業)

近排經常到觀塘打卡食好西，今次特意揀左間打卡熱點。知道這間長期爆滿，所以8點先去食，點知都仲好多人。明明附近都係工商廈，但突然有間裝潢舒服華麗既食店出現，一定係佢啦，哈哈。外表真的似啲度假勝地，即刻想坐低飲返杯冰凍飲品。我鍾意入門口的小石路。既然咁似泰國度假勝地，當然要點冬陰公！鮮蜆味道鮮甜，粒粒脹卜卜，同冬陰公味道都幾夾。配上一塊蒜香多士，多士脆卜卜，點埋個湯汁好好味，但點解得一塊既⋯仲有湯剩喎。主菜來了！香煎白鱈魚好厚肉，味道淡淡地，但點上碟上的自家製橄欖杏仁醬真係好夾。而紫色的係紫薯醬，個人認為適合直接食，不用配鱈魚。直得一提係拌碟的冰菜，做得爽口又好味另外見到有個珍珠粉幾特別，未食過所以試下。估唔到隻龍蝦咁大隻，而且好多蝦膏，好食。個珍珠粉味道就似意粉，配上濃濃的龍蝦汁，大大份又飽肚。士多啤梨牛油果smoothie無論外表定味道都值滿分。雖然我已好飽，但都飲晒，因為真係好滑好正。另一飲品係ocean paradise。個人不太好荔枝味，但的確好濃荔枝味，所以鍾意荔枝既朋友可以一試。