影片
更多
2012-08-20
68 浏览
周六午餐時間響皇后大道東「覓食」，醒起三幾歲已經久仰大名嘅波士頓，終於有機會一試。大家知道波士頓都係因為聽過有「火焰牛柳」呢樣嘢。學湯唯講句，『有咁好嘅名物，重唔去試就真係唗喇』，雖然波士頓供應嘅扒類單係牛肉已細分西冷、T骨、牛柳、肉眼等，又有豬、石班、雞、帶子等等選擇，但來到波士頓就算幾花心都好，應選嘅目標其實相當清晰，當然係「火焰牛柳」啊!上主菜之前，牛油餐包好味、忌廉湯不知所謂，一好一差扯平，反正又唔係重點。鐵板送到，板上只得少量豉油西餐常見嘅薯條同雜豆(求其散落板上就算，完全冇「擺放」嘅觀念)，牛柳呢? 原來另由待應從特製鐵串上取出，再放上鐵板。兩件牛柳約有一吋厚，由於未淋上醬汁，所以睇得出肉質新鮮細嫩。賣約百三蚊嘅鐵板餐有兩件呢個份量嘅牛柳，算得上有良心喇，自己去街市買的話都要好幾十蚊先買到。跟著就係點火「儀式」，雖然即席在食物上點火都唔算乜嘢稀奇事，甜品、雞尾酒已經將呢個把戲用到爛，但係只要一點火，始終會令週遭食客行注目禮。火焰比預期大，前前後後都有四五秒先燒完。味覺嗅覺未用得著，視覺已經搶先享用咗喇。「儀式」期間待應會走去拿取醬汁壺，等火焰熄滅之時就淋上客人自選醬汁。『咋
周六午餐時間響皇后大道東「覓食」，醒起三幾歲已經久仰大名嘅波士頓，終於有機會一試。大家知道波士頓都係因為聽過有「火焰牛柳」呢樣嘢。學湯唯講句，『有咁好嘅名物，重唔去試就真係唗喇』，雖然波士頓供應嘅扒類單係牛肉已細分西冷、T骨、牛柳、肉眼等，又有豬、石班、雞、帶子等等選擇，但來到波士頓就算幾花心都好，應選嘅目標其實相當清晰，當然係「火焰牛柳」啊!
上主菜之前，牛油餐包好味、忌廉湯不知所謂，一好一差扯平，反正又唔係重點。鐵板送到，板上只得少量豉油西餐常見嘅薯條同雜豆(求其散落板上就算，完全冇「擺放」嘅觀念)，牛柳呢? 原來另由待應從特製鐵串上取出，再放上鐵板。兩件牛柳約有一吋厚，由於未淋上醬汁，所以睇得出肉質新鮮細嫩。賣約百三蚊嘅鐵板餐有兩件呢個份量嘅牛柳，算得上有良心喇，自己去街市買的話都要好幾十蚊先買到。
跟著就係點火「儀式」，雖然即席在食物上點火都唔算乜嘢稀奇事，甜品、雞尾酒已經將呢個把戲用到爛，但係只要一點火，始終會令週遭食客行注目禮。火焰比預期大，前前後後都有四五秒先燒完。味覺嗅覺未用得著，視覺已經搶先享用咗喇。
「儀式」期間待應會走去拿取醬汁壺，等火焰熄滅之時就淋上客人自選醬汁。『咋』一聲，香噴噴，成檯人目光一致望住塊鐵板兼且一邊怕「彈汁」一邊相視而笑，港式豉油西餐最獨特風味隨之而來。鐵板嘅功用除咗呢個音響效果之外，熱力使醬汁變暖更加惹味，亦令食材唔會未食完已經「攤凍」，聰明。點五成熟牛柳，已經冇直接接觸鐵板，最終切開係變成七八成熟，於我而言係剛好嘅。牛柳難得唔靱、唔鬆又唔爽，正! 雖然唔知道牛柳產地同係用雪藏貨定係用新鮮貨(妄想...)，但係肉質真係相當唔錯，食得出牛味，口感又夠咬口，絕對唔會出現港式西餐同快餐店鐵板餐常見、明明食緊肉但一啲肉嘅口感都冇嘅通病! 呢塊扒、呢個價錢，值好高分咧! 笑面因此而來。
不過間餐廳由環境、服務態度、衛生狀況都「好豉油西餐feel」，今時今日簡單一句就係唔合格。
周六午餐時段塊地板已經滑溜過溜冰場，難道上一晚收工同今朝開工都無拖過地? 鐵板餐到處彈汁地面滑溜都尚算講得通，點可能連廁所都「冼」到飛起? 香港人能屈能伸兼有情感因素就話接受到啫，外國遊客嚟到真係失禮死人! 唉，呢啲老店好心爭氣啲啦..."
题外话/补充资料：
講開又講，剛才睇到之前有食評投訴牛柳不如想像般大塊鋪滿碟，都真係幾啞口無言，牛柳係牛脊骨裡面的一條瘦肉，天生本來就係大約得手掌心大細；要「大塊」又唔係唔得嘅，拍扁塊扒實變「大」，但其實到底為乜想要好「大塊」嘅牛柳呢?諗唔明…
(以上食记乃用户个人意见 , 并不代表OpenRice之观点。)
张贴
