鮪世市場 (鴻威大廈) (已結業)

旺角行行下肚餓, 見到呢間魚生丼飯門口幾吸引, 入去填下肚先.門面黑色為主, 但係入到去裡面就光線充足, 簡潔乾淨. 吧枱為主, 少量4人枱.丼飯相片好吸引, 午市套餐超值, 有丼飯或者司盛, 仲跟味噌湯, 蒸蛋同沙律, 本來想叫吞拿魚蓉丼, 但係賣哂.鮪世市場丼有大蝦, 三文魚, 油甘魚, 蟹柳, 三文魚籽, 帆立貝, 份量都唔少. 刺身好新鮮, 尤其是蝦同帆立貝, 顏色亮澤飽滿. 肉質彈牙, 鮮味指數高!魚生角切丼有三文魚, 油甘魚, 蟹柳, 三文魚籽, 墨魚, 仲有好似係池魚, 刺身滿滿, 啖啖飯都有刺身搭配, 絕不馬虎!