スーパー丼 (駱克道) (已結業)

來到銅鑼灣呢邊一定搵好嘢食啦，今日比較肚餓，又想食日本嘢，食丼就最啱喇，朋友介紹，呢間丼專門店有好多款式，有魚生的，也有熟的。店內裝修簡樸舒適，餐具也一樣簡單實用。Menu上有好多選擇，花多眼亂，我的選擇困難症又出現。朋友果斷點咗特上北海道丼及醬燒廣島蠔丼，大家share食可以試多啲。店內大多數是年青人，如果大食嘅或者四人同行就最抵，叫三碗丼送第四碗。每個丼都會跟餐有前菜同湯，今日前菜係麻醬菠菜，菠菜嫩綠，加咗麻醬更可口，麵豉湯香濃好飲，份量唔細。先嚟魚生飯~特上北海道丼，刺身包括：海膽、帆立貝、油甘魚、三文魚籽及吞拿魚腩蓉，朋友好喜歡海膽，甘甘甜甜；帆立貝都有三片，鮮甜味美；油甘魚大塊厚切，好新鮮；仲有入口卜卜脆嘅三文魚籽及夠晒肥美嘅吞拿魚腩蓉，大家好快就KO咗成個丼。然後到個熟食丼~醬燒廣島蠔丼，蠔有六隻，啱啱熟好juicy，仲有幾件茄子，個醬汁勁惹味，用嚟撈飯最正。鍾意食牛嘅有個和牛丼，賣相都唔錯。