嵐橋丼飯專門店 (已結業)

嵐橋丼呢間野，以食丼為主。入到去都幾有居酒屋感覺。座位唔多，我地六點零去都坐左八成，晏啲可能要book 定位。麵鼓湯：一擺低就香味撲鼻，麵鼓味香濃，豆腐好滑，好有咸鮮味！兩個丼嘅賣相都好吸引，好豐富！赤鯥丼：松葉蟹鉗、池魚、赤鯥、三文魚、牡丹蝦、吞拿魚蓉、韓國海膽、三文魚籽鐵火丼：中拖羅、赤身、吞拿魚蓉、鵪鶉蛋兩個丼嘅刺身都好新鮮，好肥美，有油脂嘅香味，又鮮甜！我最鍾意佢個飯有酸薑同埋醋啫喱，撈埋飯同刺身一齊食，可以中和到油膩感，味道豐富！唔經唔覺就食晒成個丼。雞皮：激發三高必選，新鮮燒起，好脆，食落有油香味，完全無危機感架！雞翼：燒得剛好，皮脆肉嫩，脆脆地皮！總括黎講，食材好新鮮。最欣賞有酸咪咪嘅啫喱粒，可以平衡魚生嘅油膩。好有心思！