麺匠八 (已結業)

🍱蒲燒鰻魚丼飯有成差唔多半條鰻魚，充滿陣陣醬油鰻魚香，鰻魚燒得又夠焦脆，鰻魚汁滲晒落飯入面，真係忍唔住會一啖一啖咁食，再加上蛋絲酸瓜口感味道更加豐富，仲要有碗麵豉湯，非常滿足呀！🍜豚骨叉燒拉麵拉麵既豚骨湯好濃，豚骨味濃，湯底好香，仲有啲骨膠原感覺，粘粘地好香口，叉燒都燒得好焦香，同豚骨湯係完美配合呀，加埋啲筍絲雲耳絲，又有溫泉蛋，又有紫菜，熱辣辣咁食，超舒服呀！🥛鮮奶仙草芋圓呢度既甜品都真係好唔錯呀，芋圓好粘，煙煙韌韌，香甜好味，仙草又凍又滑，加上紅豆，再同鮮奶撈埋一齊，更加香甜！🍧牛奶雪花冰雪花冰好大碗，好濃香牛奶味，又有Oreo碎，仲有黑珍珠，凍冰冰，又軟綿又硬，兩個人share就岩晒啦！🥤飲品凍檸茶夠晒新鮮，檸茶酸酸甜甜，味道岩岩好，抹茶紅豆鮮奶就苦甜中和得岩岩好，夠滑夠甜，兩杯都好好飲！