Cobo House (已結業)

喺IG見到好多人都推薦嚟呢度食爆谷雪糕，今日就同兩個朋友揀咗lunch Time嚟食😋😋😋先講下安排座位方面，大家嚟之前記得一定一定要訂位。 我同兩個朋友因為係walk in入嚟嘅，就算去嘅時候餐廳根本上一個客人都冇，佢哋都只係俾我哋揀吧枱或者坐戶外😐😐😐就算當我地走嘅時候其實都見到有啲台係冇人坐，所以係呢一方面其實係有啲唔係好滿意🥴🥴🥴環境⭐️⭐️⭐️⭐️呢度嘅環境確確實實係唔錯，感覺上都好高級，好適合同三五知己你啲就食個lunch或者tea👍👍食物今次我哋叫咗一個意粉一個 risotto，意粉係卡邦尼意粉，呢一個意粉其實唔係好滿意。首先佢嘅汁完全冇蛋黃醬嘅味道，而且佢上面擺嘅芝士實在太濃味，完全唔覺得自己係食緊carbonara至於佢嘅鮑魚risotto 只可以講係合格，已二百幾蚊一碟嘅價錢黎都可以講性價比唔算好高。因為佢嘅鮑魚冇鮮味，rissoto有好濃嘅海鮮味道，喺味道上係合格嘅，但至於值唔值呢個價錢就真係見仁見智。甜品⭐️⭐️⭐️⭐️⭐️呢度嘅爆谷雪糕甜品絕對值得黎試！唔單止份量好足，佢入面嘅雪糕係粟米味嘅雪糕，完美咁樣同外面嘅爆谷配合，而且雪糕甜味唔會好重，中和返爆谷嘅焦糖味。👍👍值得一試！