影片
更多
2017-04-14
225 浏览
主題餐廳越開越多，最有代表性嘅一定係香港嘅老夫子餐廳，因為始終佢係香港自己本土嘅漫畫製作，特別有感情。開咗差唔多一年啦都仲係咁好生意，晚上呢都要等位。今日呢又係同我嘅一位前輩朋友嚟到發掘下香港本地嘅文化特色，佢話老夫子佢都有睇過好搞笑，而佢都好驚訝點解依度嘅主題餐廳可以整得咁得意可愛。我每次嚟到一定會點忌廉溝鮮奶，原因好簡單因為我好鍾意上邊嘅一大舊棉花糖。配上冰凍嘅忌廉同埋鮮奶，看似唔埋冷嘅嘢，估唔到溝出嚟會咁好飲。小食點左炸魚手指配薯角，我真係好鍾意食炸魚手指架，咬落去鬆化而且唔會太多油。配上美味嘅他他醬，正！焗田螺又係另一最愛，呢度將田螺外殼換成蘑菇，容易食，而且唔會ler 咁hea ~ 最欣賞係薯蓉做得好細滑，又夠味。點左冬日菜單裏面嘅蘑菇忌廉湯，蘑菇忌廉湯奶味香濃，蘑菇打得細滑美味，配上鬆軟嘅牛油餐包，係本港地道西餐廳的色彩。主菜點左肉眼扒配薯菜黑椒汁，呢度嘅薯菜真係好好食無論係薯角抑話薯塊，全部都香脆可口。肉眼扒質素很高牛味香濃，肉質鮮嫩仲有配上好多嘅新鮮蔬菜。呢個扒餐好抵食啊！招牌瑞士汁牛河係另一個傳奇，瑞士汁香濃美味牛肉片片都好大舊，最欣賞嘅就係炒個底嘅河粉，係比平時嘅沙
今日呢又係同我嘅一位前輩朋友嚟到發掘下香港本地嘅文化特色，佢話老夫子佢都有睇過好搞笑，而佢都好驚訝點解依度嘅主題餐廳可以整得咁得意可愛。
我每次嚟到一定會點忌廉溝鮮奶，原因好簡單因為我好鍾意上邊嘅一大舊棉花糖。配上冰凍嘅忌廉同埋鮮奶，看似唔埋冷嘅嘢，估唔到溝出嚟會咁好飲。
小食點左炸魚手指配薯角，我真係好鍾意食炸魚手指架，咬落去鬆化而且唔會太多油。配上美味嘅他他醬，正！
焗田螺又係另一最愛，呢度將田螺外殼換成蘑菇，容易食，而且唔會ler 咁hea ~ 最欣賞係薯蓉做得好細滑，又夠味。
點左冬日菜單裏面嘅蘑菇忌廉湯，蘑菇忌廉湯奶味香濃，蘑菇打得細滑美味，配上鬆軟嘅牛油餐包，係本港地道西餐廳的色彩。
主菜點左肉眼扒配薯菜黑椒汁，呢度嘅薯菜真係好好食無論係薯角抑話薯塊，全部都香脆可口。肉眼扒質素很高牛味香濃，肉質鮮嫩仲有配上好多嘅新鮮蔬菜。呢個扒餐好抵食啊！
招牌瑞士汁牛河係另一個傳奇，瑞士汁香濃美味牛肉片片都好大舊，最欣賞嘅就係炒個底嘅河粉，係比平時嘅沙嗲牛河甜少少但係絕對精彩。
甜品點左我好喜歡嘅疏乎里，香橙味疏乎厘超級大啊！外皮10分好吃裏邊鬆軟無比。乜嘢都唔使點已經食得10分開心。等15分鐘絕對值得，咁大個先至幾十蚊你話係咪好抵錫先？呢度嘅裝修實在太靚啦，尤其是嗰個私家車位更加係長期爆滿，食物質素仍然能夠保持水準，唔怪得做咗成年都長做長有啦！
张贴
