佐賀燒肉谷 (大鴻輝(荃灣)中心) (已結業)

趁著上個星期有時間特登過黎體驗一番盡情食肉嘅快樂！整體裝修偏向年輕化，墻身仲有卡通繪圖，再加上餐廳嘅音樂配合，感覺整體活力滿滿，氛圍都好唔錯！入座前要先揀好套餐，一共有5種套餐可以選擇，我哋就揀咗推介餐C餐。入座之後會先送一份拼盤，有6款唔同嘅肉。其實我覺得咁樣幾好，一開始就可以先試咗邊一款係自己偏好嘅，然後再加單。肉類嘅品質都好正，不得不讚壺漬，醃製得非常入味，肉嫩又新鮮，仲有嚼勁。海鮮方面食材亦都好新鮮，小食種類豐富。整體好評，性價比高。