JK Brother’s (已結業)

食評大比數讚賞，又見銅鑼灣開分店，抱住應該吾差掛的心態去尖沙咀店試下，加上7點前有優惠。以為好爆場，點知得幾枱客。講明撈蝦即煮火鍋是主角，有得玩又食得新鮮，當然冇得輸，每人大約吃了一斤。其次是鮑魚都美味，筆者吃了5件。刺身就吾多掂了，老板太孤寒，相比起普通的日式放題店，通常都來一大盆仲夾有乾冰噴晒煙咁上枱。我地4位，諗住每人每款各叫3件，都吾算浪費亂叫啦！點知每次order只每人一件！好mean囉！賣相似一碗刺身丼，跟日式放題店的水平差太遠了，嚴重扣分。牛肉就行貨水準，佳寶貨式。其他丸類菜類眼見都冇客取來吃，心照啦！甜品吾算差，雪糕雪條款式多，有榴槤雪條，幾濃味。整體上以240蚊的性價比，不能要求太高，倘若老板濶佬少少，咁我地吾使不停叫左5輪才吃到5件刺身，應該可以加返少少分嘅！