高麗軒韓國料理 (已結業)

同事極力推介，話尖沙咀高麗軒超抵食，燒肉靚，但早已講明裝修比較舊，對我黎講，最緊要好食。晚市放題任飲任食都系200幾蚊，價錢唔系特別平，但燒肉就出奇地優質，令人驚喜!海鮮拼盤包括青口、魚柳、海蝦、魷魚、蒜蓉牛油帆立貝。帆立貝極其新鮮，肥美肉厚，燒製後肉汁既鮮甜同蒜香味道都好突出，好好食。其他海鮮類都唔錯，但唔系太特別，重點系下面d燒肉……牛肉眼色澤紅潤，脂肪均勻不多亦不少，燒出黎仲幾有油脂香，當然牛味都幾香濃。牛舌一睇就知唔會系下等貨，肉質靚自然好爽口彈牙，充滿牛味，完全唔需要任何調味料或醬料，系瘋狂追加嘅其中一款。高麗軒d燒肉的確好食，特別系牛肉。牛肋骨有用少少甜醬汁醃過，非常香甜入味，肉質亦好軟腍，確系一流。至於羊肉都好食，羊有羊味，又有羊羶味，真系款款都唔錯。