醒 (已結業)

咁啱經過灣仔，見到呢間店面好光猛乾淨，叫Seng2醒嘅外賣小店。於是入去睇下仲有咩賣，見佢哋除咗啲基本嘅三文治，沙律，乳酪同自家制嘅茶飲之外，仲有咖啡同即做嘅主食。店員見我兩頭望就好親切咁介紹佢哋嘅食物。佢哋主要都係行fusion 路線，所以推薦咗個喇沙意大利粉同芝士菠菜雞肉墨西哥夾餅。我就買咗呢2樣返公司食，另外仲要咗支洛神花檸檬汁試吓。由於我返公司需時20分鐘，我都預咗味道有啲影響。好彩我食個喇沙意粉時仲有微暖，個喇沙味好香好惹味，意粉有咬口，配料方面啲蝦脆口彈牙，豆乾同魚片入哂味。同事A聞到過嚟試咗啖，大叫好食，之後同事B,C,D都衝過嚟一人一啖，個個都話好食😄。之後佢哋又轉移視線落我個夾餅度，唯有又同佢哋分😅,有芝士嘅夾餅基本上都肯定好食，而且配搭雞肉同菠菜，菠菜好幼嫩，餅皮煙韌有餅香，又係個個都讚。個個都叫我下次經過再買😆仲有果支洛陽花檸檬汁，酸酸甜甜幾好味。呢間小店真心唔錯，下次會試埋佢哋嘅咖啡😊