宮崎肉本舖

营业中

休息中

話說我同朋友前排去咗天后一間好出名嘅日式餐廳，專食宮崎牛肉，叫做宮崎肉本舖，地鐵站行出嚟幾分鐘就到，超方便！😆🫶🏻餐廳主打A5宮崎牛同牛舌，定食選擇多，價錢都唔貴，性價比真心高！😚鐵板牛舌芯定食呢個真係牛舌愛好者嘅心頭好！牛舌芯係牛舌入面最嫩嘅部位，切得厚身，煎到外脆內嫩，咬落去口感好juicy，肉汁滿滿🥳❤️仲帶點炭燒香氣，食到停唔到口！定食配有漬物、飯同味噌鮮魚湯，漬物酸酸甜甜好開胃，解膩一流🙂‍↕️✌🏻味噌湯用鮮魚熬成，味道好鮮甜，飲落暖笠笠，超滿足！😋鐵板味噌牛舌定食呢個同牛舌芯定食有啲唔同，因為佢用咗味噌醬調味，牛舌煎得一樣咁香，味噌嘅鹹香同牛舌嘅肉味好夾，帶點微甜嘅味道，食落更加惹味！😎牛舌份量都好足～整體嚟講，宮崎肉本舖嘅環境、服務同食物質素都好有水準，牛舌控同日式料理愛好者真係要mark低呢間店！😙