價錢定位較高，係新界區賣呢個價錢，存在到咁多年，相信應該都有佢嘅價值。
Bubble Bee （單點$82/ 跟餐+$38）：以橙味作主調嘅無酒精Mocktail，飲落有啲似Fruit Punch什果賓治，幾甜幾好飲，而且非常大杯，夠飲成晚。
Vodka Lime（$90）：尤如其名，即以Vodka伏特加溝青檸，青檸微酸，Vodka味會較突出，呢杯野唔甜，感覺上糖份唔高，所以我比較Prefer so called無咁肥嘅Cocktail
其中一款Set Dinner $788/位，包含前菜、湯、小食、主菜、甜品及咖啡茶：
巴馬火腿果仁沙律：擺盤幾靚，乾果沙律感覺較健康低脂，捲花嘅巴馬火腿乾身，具咸香。
頂級牛肝野菌忌廉濃湯：湯頭濃郁，牛肝菌味突出，食到唔少牛肝菌碎粒。
自家製藍花蟹餅：外層酥脆，內裡軟滑，餡料含大量真蟹肉，味道鮮香，就如豪華版嘅可樂餅。
鵝肝牛柳：鵝肝嫩滑多汁，食落唔會太油太膩。牛柳五成熟，內層肉質粉嫩幼細，而且富肉汁，牛味適中，擺碟都幾精美。
比利時朱古力心太軟：外脆內軟，切下去完美呈現流心質感，朱古力味濃郁香甜。
