四季文昌 (已結業)

夜晚主打椰子雞火鍋嘅旺角四季文昌，原來午餐menu都好吸引！午餐當然唔少得招牌名物嘅椰子雞啦，而午市套餐總共有14款自選主菜，仲包埋燉湯同飲品，最重要係免加一服務費！近排M佬成日話我唔煲湯俾佢飲，所以今日就同M佬食得夠補啦。松茸菇椰子雞湯是日燉湯係以瓦盅盛載嘅松茸菇椰子雞湯，材料好豐富，有椰子肉、紅蘿蔔、姬松茸、雞腳和豬肉等，聞上去已經夠晒香，而味道就好清甜，夠晒真材實料！玉子嫩滑雞脾丼M佬望住個飯就問有雞先定有蛋先？希望你食完會有答案啦。首先將流心蛋督穿，撈暈啲雞蛋，每粒飯都充滿蛋汁，蛋味香濃。而雞肉嫩滑多汁，不過就略嫌雞肉份量較少。椰汁雞湯米線湯底椰汁雞湯好清甜，椰香味濃又唔油膩，食米線仲可以飲埋個湯。而雞當然係用海南文昌雞啦，雞肉嫩滑，好入味，而伴菜有雲耳、竹笙更加索晒椰汁雞湯，好正。荔枝梳打夠晒解喝，仲有一粒茘枝肉，叫特飲都唔駛加錢。