川公所 (已結業)

今次想同大家推介九龍灣呢間川公所！佢係一間主打新派川菜餐廳，餐廳菜式主要會以四川、重慶口味，再按香港人口味做微調，真係好唔錯👅！明顯味道上有層次好多，同埋係死辣死油，係我鐘意嘅口味。酸菜魚做得真係唔錯，首先佢哋個湯底好夠酸同辣，加咗大量酸菜食落口感更加豐富，同埋魚肉係好滑嘅，我最鍾意一啖湯一啖魚再撈啲飯食，呢個食法最好味😋干鍋田雞辣味感覺又麻又辣，好啱飲酒餸白飯。田雞啲肉質特別細嫩，啖啖肉口感確實唔錯👍🏻辣子雞炒到好乾爽，外面香脆，啲肉又唔會鞋口，而且辣椒份量好多食落佢個口麻麻辣辣咁樣，真係好爽。