影片
更多
2022-06-19
11 浏览
想同朋友chill下食好嘢？唔一定得尖沙咀或者銅鑼灣呢d選擇嘅！今次介紹呢間餐廳位於長沙灣嘅新住宅區，主打食南美菜。一踏入餐廳已經感受到嗰種異國風情，型格裝修加上燈光配合，岩哂一班三五知己一齊嚟放鬆下！*傳統秘魯檸檬漬魚生 $168*呢個前菜超級開胃！醬汁相當出色，充滿新鮮嘅檸檬香氣，洋蔥同埋青紅椒嘅清新感，配上爽滑嘅魚生*塔斯曼尼亞羊架配薄荷乳酪汁 $228*同店員傾左一陣，發覺餐廳用料都好講究。呢份羊架既有烤羊肉應有嘅香味，但又唔會好油膩，再襯埋特製既薄荷乳酪汁 (同出面食到青色薄荷醬嘅味完全唔同)，就算係怕羶味嘅朋友都可以試下。切開睇到肉質鮮嫩粉紅，食落仲好juicy添！配菜都令人喜出望外，除左七彩繽紛嘅顏色配搭，原來仲係澳洲直送嘅新鮮材料*北海道帶子三文魚子墨汁手工意粉 $188*係感受到餐廳誠意嘅份量呀！每一啖都食到三文魚子獨有嘅海水味道，原來同墨汁意粉係出奇地咁夾。帶子煎得岩岩好，外脆內軟，仲有鋪得滿滿嘅青口、墨魚仔同魷魚圈，真係食得超滿足！手工意粉都係亮點之一，質地爽身煙韌*手搖水果茶 - 熱情果 $58*飲品方面都有唔少選擇，今次揀呢杯水果茶嚟試下。出面飲到嘅熱情果味飲
想同朋友chill下食好嘢？唔一定得尖沙咀或者銅鑼灣呢d選擇嘅！今次介紹呢間餐廳位於長沙灣嘅新住宅區，主打食南美菜。一踏入餐廳已經感受到嗰種異國風情，型格裝修加上燈光配合，岩哂一班三五知己一齊嚟放鬆下！
*傳統秘魯檸檬漬魚生 $168*
呢個前菜超級開胃！醬汁相當出色，充滿新鮮嘅檸檬香氣，洋蔥同埋青紅椒嘅清新感，配上爽滑嘅魚生
*塔斯曼尼亞羊架配薄荷乳酪汁 $228*
同店員傾左一陣，發覺餐廳用料都好講究。呢份羊架既有烤羊肉應有嘅香味，但又唔會好油膩，再襯埋特製既薄荷乳酪汁 (同出面食到青色薄荷醬嘅味完全唔同)，就算係怕羶味嘅朋友都可以試下。切開睇到肉質鮮嫩粉紅，食落仲好juicy添！配菜都令人喜出望外，除左七彩繽紛嘅顏色配搭，原來仲係澳洲直送嘅新鮮材料
*北海道帶子三文魚子墨汁手工意粉 $188*
係感受到餐廳誠意嘅份量呀！每一啖都食到三文魚子獨有嘅海水味道，原來同墨汁意粉係出奇地咁夾。帶子煎得岩岩好，外脆內軟，仲有鋪得滿滿嘅青口、墨魚仔同魷魚圈，真係食得超滿足！手工意粉都係亮點之一，質地爽身煙韌
*手搖水果茶 - 熱情果 $58*
飲品方面都有唔少選擇，今次揀呢杯水果茶嚟試下。出面飲到嘅熱情果味飲品多數都係超甜嘅果漿，呢度又唔會喎！酸酸甜甜咁，加上淡淡嘅茶香，同各款菜式都好配合。
张贴
