影片
更多
2022-08-18
72 浏览
前兩日係銅鑼灣行下 5點幾就肚餓近近地試咗間日本料理【古今 Kokon】🇯🇵餐廳5點半先開始晚市🕠我以爲我哋5點半前到已經算早點知前面已經有2枱客人等待入座心諗啲人仲猴擒過我😂😂😂餐廳環境唔錯😃行日式清新木系路綫簡潔明亮 坐得舒服💡餐廳 主打特色創意卷物 🍣 除咗創意卷物，餐廳仲供應刺身、壽司、炸物、燒物、串燒、飯麵唔食生野嘅朋友都有好多選擇😃一場嚟到梗係要試下創意卷物我地揀咗蜘蛛🕸️ 同 相撲力士創意卷物率先登場✨不得不讚嘅係兩款卷物嘅擺盤，用埋食用花做裝飾🌼，睇見咁靚，心情又自自然然靚多一截😍🍣蜘蛛🕸️睇menu見到呢個卷物有我鍾意嘅軟殻蟹🦀同牛油果🥑，毫不猶疑決定食呢碟卷物。蜘蛛🕷️一客五件，三件係蜘蛛身體，另外兩件係蜘蛛尾，賣相係幾趣緻。軟殼蟹炸得香脆，配搭埋好fresh青瓜絲🥒、牛油果同蟹柳，口味清新且層次豐富🍃🍣相撲力士🇯🇵叫得相撲力士，份量一定要足。一客8件，細食嘅朋友可能叫一客相撲力士就直接比佢KO🏴(所以話要同多啲朋友食👪👪 可以開心share)。飯卷包住蟹柳同芝士，上面鋪上三文魚同吞拿魚刺身。一啖食齊新鮮魚生同滑溜芝士，正👍啲卷物啱曬我口味 😋 我好想嗌多個卷
近近地試咗間日本料理【古今 Kokon】🇯🇵
餐廳5點半先開始晚市🕠
我以爲我哋5點半前到已經算早
點知前面已經有2枱客人等待入座
心諗啲人仲猴擒過我😂😂😂
餐廳環境唔錯😃
行日式清新木系路綫
簡潔明亮 坐得舒服💡
餐廳 主打特色創意卷物 🍣 除咗創意卷物，餐廳仲供應刺身、壽司、炸物、燒物、串燒、飯麵
唔食生野嘅朋友都有好多選擇😃
一場嚟到梗係要試下創意卷物
我地揀咗蜘蛛🕸️ 同 相撲力士
創意卷物率先登場✨
不得不讚嘅係兩款卷物嘅擺盤，用埋食用花做裝飾🌼，睇見咁靚，心情又自自然然靚多一截😍
🍣蜘蛛🕸️睇menu見到呢個卷物有我鍾意嘅軟殻蟹🦀同牛油果🥑，毫不猶疑決定食呢碟卷物。蜘蛛🕷️一客五件，三件係蜘蛛身體，另外兩件係蜘蛛尾，賣相係幾趣緻。軟殼蟹炸得香脆，配搭埋好fresh青瓜絲🥒、牛油果同蟹柳，口味清新且層次豐富🍃
🍣相撲力士🇯🇵
叫得相撲力士，份量一定要足。一客8件，細食嘅朋友可能叫一客相撲力士就直接比佢KO🏴(所以話要同多啲朋友食👪👪 可以開心share)。飯卷包住蟹柳同芝士，上面鋪上三文魚同吞拿魚刺身。一啖食齊新鮮魚生同滑溜芝士，正👍
啲卷物啱曬我口味 😋
我好想嗌多個卷物，但朋友比較喜歡食燒物
所以要咗份燒鷄翼同西京比目燒🔥
🐔雞中翼串
純粹朋友係鷄翼控，邊度都要食鷄翼。初初都無太大期望，點知喜出望外，雞翼外皮烤得焦酥，雞肉又嫩滑👍
🐟西京比目燒朋友好積極同我科普西京燒呢個term，話之佢係以西京漬醃魚肉後再直接燒嘅料理。我剩係比佢黑鼆鼆個樣嚇親。拎筷子一夾，見到白雪雪嘅魚肉先對呢碟料理有返信心。個人認爲個外皮係過熟，有哋燶脆但魚肉又滑又有質感，味道帶甜。睇嚟呢度除咗卷物，燒嘢都有一手wor~👍
😋總結😋食完成個人好滿足！呢度環境舒適、食物質素好，最重要係價格相宜！下次食一定要同多啲人一齊食。我想食多啲卷物！Menu睇到嘅卷物造型特別，名又盞鬼(好似 #午夜牛郎、#紅粉佳人、#倫敦橋、#辣妹) 。佢仲有壽司Pizza，真係幾大個胃都裝唔入！唯有分開幾次慢慢食啦😜😜😜
~~~~~~
🇯🇵古今 Kokon
📍地址: 銅鑼灣軒尼詩道525號澳門逸園中心21樓
#日本菜| #拉麵 | #壽司 | #刺身| #居酒屋
#睇openrice先發現有好幾間分店
#theone都有一間但從來睇唔到
#snow是永遠的好朋友
#sushiroll #foodiehk #古今 #Kokon
张贴
