燒蝦蝦 (金福閣） (已結業)

好少去元朗咁遠 不過聽講有一間都幾抵嘅流水蝦放題 咁就同friends一齊試下啦✨ 呢度係兩個半鐘嘅放題 長度啱啱好👌🏻🦐 流 水 蝦 🦐係個缸度釣上嚟就擺落爐 仲新鮮過街市買跟住翻屋企煮嘅🙈 親眼見住佢變熟同變成吸睛嘅紅色 淨係個體驗就值返票價👍🏻 蝦肉好彈牙同鮮甜 而且非常飽滿 更有驚喜嘅係蝦膏爆曬出黎🤩 食落都唔會腥🐚 東 風 螺 🐚真係好大隻🤤 牙籤一吓就可以剝啲螺肉出黎 我覺得比某啲酒店自助餐嘅仲要好味🫢 有嚼口得嚟又鮮會有個兜裝住啲螺肉 其實燒出嚟嘅汁更加有海嘅味道💦 我地encore咗好幾round😙流水蝦同東風螺特別出色 不過其他海鮮都唔錯 生蠔 蜆 都大隻新鮮 釣蝦嗰陣可以燒住佢地先 咁就唔會空住嗰爐啦😋 或者多啲朋友一齊去 咁就有人釣有人燒架啦😉